Kieron Pollard

 ആ പ്രകടനം ആവർത്തിക്കുമോ? പൊള്ളാർഡിന്റെ ബാറ്റിലേക്ക് ഉറ്റുനോക്കി ക്രിക്കറ്റ് ലോകം

മുംബൈ ഇന്ത്യൻസിന്റെ വിശ്വസ്തനായ മധ്യനിരബാറ്റ്‌സ്മാനാണ് കീറോൺ പൊള്ളാർഡ്. തോൽവി ഉറപ്പിച്ച പല മത്സരങ്ങളും പൊള്ളാർഡ് തന്റെ കൂറ്റനടി കൊണ്ട് വിജയിപ്പിച്ചെടുത്തിട്ടുണ്ട്. അതിൽ പലതും ഒറ്റയാൾ പോരാട്ടത്തിലൂടെയും ആയിരുന്നു. എന്നാൽ ഈ വർഷം മറ്റൊരു പ്രത്യേകതയുമായിട്ടാണ് പൊള്ളാർഡ് ഐപിൽ കളിക്കാൻ ഇറങ്ങുന്നത്. യുവരാജ് സിങ്ങിന് ശേഷം അന്താരാഷ്ട്ര ട്വന്റി 20 ക്രിക്കറ്റിൽ ഒരോവറിൽ ആറു  സിക്‌സറുകൾ അടിക്കുന്ന ആദ്യതാരമായി പൊള്ളാർഡ് മാറി. ശ്രീലങ്കക്കെതിരായ പാരമ്പരയിലാണ് പൊള്ളാർഡ് ഈ നേട്ടം കൈവരിച്ചത്. അഞ്ചോവറിൽ 64-4 എന്ന നിലയിൽ വിൻഡീസ് പ്രതിരോധത്തിലായിരുന്ന സമയത്താണ് ആറാം ഓവർ എറിഞ്ഞ  ധനഞ്ജയയെ ആറു സിക്സ് അടിച്ചത്. 

ഈ പ്രകടനത്തിന് ശേഷം ആദ്യ ഐപിൽ ആണ് വരുവാനിരിക്കുന്നത് എന്നതാണ് ആരാധകരെ ആകാംഷയുടെ മുൾമുനയിൽ നിർത്തുന്നത്. പ്രകടനം ആവർത്തിക്കുമെന്ന് മുംബൈ ആരാധകർ സോഷ്യൽ മീഡിയയിൽ പ്രത്യാശ പ്രകടിപ്പിക്കുന്നു.